UNIDADE KRIMES GRAVES INFORMASAUN IKUS
24 Novembro 2003
JUIZES PAINEL ESPESIAL
FO SENTENSA BA CARLOS SOARES AKA CARMAN TO'O TINAN4 1/2 BA OHO EMA IHA
FULAN SETEMBRO 1999
Iha oras 11.00 loron 24 Novembro 2003, Juizes iha Painel Espesial ba Crimes
Graves hetan Carlos Soares (aka Carman) nia sala ba oho ema. Juizes Painel
Espesial fo sentensa ba Carlos Soares to'o tinan 4 fulan 6 iha kumarka
ba Graciano Mau Mario nia mate iha distrito Ermera iha 19 Setembro 1999.
Juizes Painel Espesial nain tolu ne'e fo kastigo Carlos Soares ba oho ema iha violasaun seksaun 8 Regulamento UNTAET 2000/15 no artigu 338 KUHP Indonesia nian. Carlos Soares hetan sala ba sona mate Graciano Mau Mario iha nia kotuk laran ho diman besi iha 19 Setembro 1999 iha suku Aitura iha distrito Ermera. Mau Mario depois mate ho kanek hirak ne'e.
Durante julgamentu,
Prokurador SCU iha cazu ne'e diskuti katak Soares oho Graciano Mau Mario
depois hetan insulta direitamente husi nia, maibe konselu defensor reklama
katak nia halo asaun hodi defende an. Juizes Painel Espesial la aseita
defensor ba defende an ou asaun asidental, no
hetan Soares nia responsavel ba Mau Mario nia mate.
Carlos Soares nia kazu mak kazu oho ema regular husi periodu 1999 laiha koneksaun ruma ba kazus Krimes kontra Humanidade hasoru TNI no membros milisia nebe fokus liu iha investigasaun nian no presekusaun SCU nian.
Painel Espesial ba Krimes Graves iha Timor Leste oras ne'e daudaun rona hela kazus sira ba Krimes kontra Humanidade hanesan mos krimes graves hanesan oho ema no violasaun sexsual husi periodu 1 Janeiro 1999 to'o 25Outubro 1999. To'o oras ne'e, maioria akuzados nain 39 mak hetan tiha ona kastigo husi Painel Espesial desde julgamento hahu iha Janeiro 2001 mak hanesan soldadu TNI Timor oan no membros milisia nebe hetan kastigo ba Krimes kontra Humanidade ou krimes graves.
Painel Espesial nain
rua ba Krimes Graves iha Timor Leste mak konsiste Juizes Internasional
nain rua no Juiz Timor oan nain ida. Juizes Painel Espesial mak oras ne'e
daudaun rona hela kazus 8 ba Krimes kontra Humanidade no krimes graves
nebe komete iha 1999 iha Timor Leste ho
julgamento 12 seluk ba ema akuzado nebe oras ne'e prezente iha Timor Leste
ho orario atu hahu iha fulan hirak oin mai.
Desde 2000, Unidade
Krimes Graves acuza tiha ona hamutuk hotu ema nain 367
ho 280 husi akuzados sira ne'e oras ne'e daudaun la hela iha juridisaun
Timor Leste.
BA INFORMASUN RUMA TAN KONA BA SCU KONTAKTO scu@un.org