UNIDADE KRIMES GRAVES INFORMASAUN IKUS 9 Dezembro 2003

SCU: INVESTIGASAUN NO PRESEKUSAUN


EIS MEMBRO MILISIA TIMOR OAN HETAN SALA BA STAF NU TIMOR OAN NAIN RUA NIA MATE IHA SETEMBRO 1999


Iha horas 9.00 dader loron 9 Dezembro 2003, Juizes iha Painel Espesial ba
Krimes Graves fo kastigo Salvador Soares ba Krimes kontra Humanidade ba
staf NU Timor oan nain rua nia mate iha loron 2 Setembro 1999. Juizes
Painel Espesial fo sentensa eis membro milisia Dadurus Merah Putih husi
Maliana ne'e to'o tinan 10 no fulan 6 iha komarka ba empregados UNAMET
Timor oan nain rua nia mate iha Maliana iha loron 2 Setembro 1999.
Empregados UNAMET nain rua ne'e espesifikamente konsentra iha atakes
koordenado militar (TNI) Indonesia- milisia Dadurus nebe lideira husi
Sargento TNI ida wainhira violensia hahu makas ona iha Maliana
imediatemente hafoin konsulta popular.

Painel Espesial nebe konsiste Juizes Internasional nain 2 no Juiz Timor oan
nain ida fo kastigo Salvador Soares ba kontas rua oho ema nian no tortura
nudar Krimes kontra Humanidade. Eis membro milisia Dadurus Merah Putih ne'e
hetan sala ba oho ema nudar Krimes kontra Humanidade ba sona Ruben Barros
no responsavel ba Dominggos Pereira nia mate iha 2 Setembro 1999.
Defendante ne'e la hetan sala ba tortura nudar Krimes kontra Humanidade ba
baku Ruben Barros durante insidente iha nia familia nia uma oin iha sidade
Maliana.

Juizes Painel Espesial fo sentensa Soares to'o tinan 10 no fulan 6 iha
komarka ho tempo nebe mak nia pasa tiha ona iha detensaun laran. Salvador
Soares hetan kaptura besik Maliana wainhira tama mai teritirio Timor Leste
iha Junhu 2002 no desde tempo ne'e kedan hetan detensaun hodi hein
julgamento. Julgamento ba Salvador Soares hahu tiha ona iha 29 Setembro
2003.

Iha loron 21 Junhu 2002, akuzasaun UNAMET Maliana nian fo sai husi SCU
akuza individuais nain 10 inklui eis Chefe Intelijensia TNI distrito
Bobonaro, Tenente Sutrisno no membro intelijensia TNI distrito bobonaro
nian, Sargento Asis Fontes no membros milisa nain 8 seluk inkluindo
Salvador Soares ho Krimes kontra Humanidade ba oho ema no tortura.

Ema restu nain 9 nebe indita tiha ona iha kazu ne'e sei livre hela iha
Republika Indonesia ho Tenente Sutrisno fiar katak sei servisu hela ba
forsas armada Indonesia. INTERPOL nia Mandado Kaer nian hasai tiha ona husi
INTARPOL iha relasaun ba ema nain 5 nebe indita tiha ona inkluindo Tenente
Sutrisno no Sargento Asis Fontes fiar katak rezidente iha Indonesia.

Prokurador SCU iha Julgamento laran, Sr. Marek Michon hateten katak kastigo
ba Salvador Soares mak demonstrasaun importante ida ba familia vitimas no
komunidade sira katak akuzado ida iha kazu ne'e nian hodi ba tiha ona
justisa iha Tribunal Timor Leste nian. Sr. Michon hatutan tan katak kastigo
ne'e mak signifikante makas tanba vitimas nain rua inkluindo iha kazu ne'e
mak entre empregados UNAMET iha distritos sira nebe hetan oho hafoin
servisu iha organizasaun Nasoens Unidas no halao konsulta popular iha Timor
Leste iha 30 Agostu 1999.

Ida ne'e mak fo kastiko darua iha Painel Espesial ba defendante nebe
prezente iha Timor Leste ba staf UNAMET Timor oan nia mate desde julgamento
hahu iha Painel Espesial ba Krimes Graves iha Timor Leste. Iha 26 Julhu
2001, Agustinho da Costa Tim Pancasila nian husi Ermera hetan sentensa
to'o tinan 15 iha komarka ba durubasa UNAMET nia mate iha Atsabe iha
distrito Ermera iha 31 Agostu 1999. Tribunal Appela mantein nafatin
sentensa ne'e iha Julhu 2003.

To'o agora, alegasoens ba oho ema ou halakon staf UNAMET Timor oan nain 10
iha periodu hafoin konsulta popular iha Setembro 1999 inkluindo tiha ona
iha akuzasaun nebe hasai husi SCU ho fo kastigo hetan tiha ona iha relasaun
ba vitimas UNAMET nain tolu nia mate.


Desde julgamento hahu iha Painel Espesial ba Krimes Graves iha Timor Leste
iha 2001, defendantes nain 41 mak hetan kastigo tiha ona ho defendante 1
hetan livre husi akuzasaun hotu. To' agora, Unidade Krimes Graves indita
tiha ona ema hamutuk hotu nain 369 ho akuzados nain 281 nebe oras ne'e
daudaun la hela iha juridisaun Timor Leste inklui ofisiais no Komandantes
Militar TNI nain 37, Ulun bo'ot Polisia nain 4 no membros TNI Timor oan
nain 60.


BA INFORMASAUN RUMA TAN KONA BA SCU KONTAKTU scu@un.org

HOME | ABOUT | NEWS | TRIALS | RESOURCES | CONTACT

'