UNIDADE CRIMES GRAVES: INFORMASAUN IKUS 7 Outubro 2003
AKUZASAUN
FOUN CRIMES KONTRA HUMANIDADE NIAN ACUZA EIS KOMANDANTE TNI
INDONESIA NIAN IHA BAUCAU, MEMBROS TNI NAIN 12 NO EIS KOMANDANTES MILISIA
BAUCAU
Adjunto
Interino Procurador Geral ba Crimes Graves hatama tiha ona akuzsaun
importante kona ba crimes Kontra humanidade iha Painel Especial ba Crimes
Graves iha Timor Leste iha loron 7 Outubro 2003.
Akuzasaun
Baucau nian akuza ema individuais nain 17 ho kontas hamutuk
crimes contra Humanidade 14 inklui, oho ema, tortura, persegisaun no
hahalok desumanos seluk tan nebe'e komete iha campanha violencia kontra
populasaun civil iha distrito Baucau entre fulan Marso loron 26 no
Setembro loron 12 tinan 1999.
Ema akuzado
nain 17 nebe'e iha akuzasaun ne'e nia laran inklui ema
Indonesia nain 3 no soldadu military Indonesia (TNI) Timor oan nain 10.
Akuzado membro TNI inklui Tenente. Coronel Richard Hutadjulu -eis
Komandante militar TNI Indonesia iha distrito Baucau, Capitaun Karel Polla
?eis vice komandante militar TNI Indoenesia no membros husi Seksaun
intelijensia nain 7 iha Komando Militar TNI 1628 Baucau. Husi membro
seksaun inteligencia comando militar TNI 1628 Baucau.
Akuzasaun
Baucau nian akuza mos Joanico Belo ?sargento Timor oan iha Forsa
Espesial Indonesia (Kopassus) nain ida nebe'e mos hanesan komandante ida
husi Forsa Funu nain Integrasaun Timor Leste (PPI) ba rejiaun Leste Timor
leste nian no komandante Tim Saka pramilitaria iha distrito Baucau iha
tinan1999.
Iha relasaun
ho eventus molok konsulta popular iha Timor Leste, akuzasaun
Baucau nian espesifikamente akuza ba oho ema apoiantes independencia nain
rua no ema feto ida nebe'e alega katak soldadus TNI mak tiru inklui
Sarjento TNI nain ida iha loron 26 fulan Marso 1999 iha suku Gariuai
Subdistrito Baucau.
Iha akuzasaun
ba membros TNI nain 4 akuza ba oho Julio Caetano Ximenes
nebe'e alega tiru mate husi Sarjento TNI nain ida no tiru apoiantes
independensia nain ida husi sarjento TNI seluk ida iha loron 27 fulan
Maio
1999 iha suku Uailili iha Subdistrito Baucau. Komandante TNI Baucau nian
no
membros TNI nain 8 seluk akuza ho tortura ba apoiantes independensia nain
5 nebe'e hetan kaptura depois de tiru.
Akuzasaun
Baucau nian mos akuza ba ema civil nain tolu nia mate iha
insidente ketak-ketak durante violensia fulan Setembro 1999 iha subdistrito
Quelica no Laga: apoiantes independensia Pedro da Cruz Soares nia mate
alega tiru mate husi Cosme Moreira-eis Vice Komandante Tim Saka nian iha
Quelicai, apoiantes independensia Armindo Belo Pires nia mate alega hetan
membros TNI nain tolu mak oho iha tasi ibun Laga no Marcela Buti Fatima
nia
mate nebe'e mate depois de hetan tiru husi Sarjento TNI ida durante atake
iha suku Tekinomata. Akuzasaun ne'e akuza tan grupo Tim Saka 6 no
komandantes Rajawali ba destruisaun ba Abo Lir iha suku Quelicai durante
atakes armado ida.
Procuradores
alega katak grupo paramilitaria Tim Saka estabelese husi TNI
iha distrito Baucau iha prinsipio tinan 1980 no durante tinan 1999 simu
ordem directamente husi komandantes TNI no Seksaun Inteligensia TNI Baucau
nian inklui instrusoens atu ataka apoiantes independensia. Akuzasaun
deklara katak grupo paramilitaria Tim Saka armado, treinadu no hetan fundos
husi Komandante militar TNI distrito Baucau no simu fundos tan husi
autoridades governo nian iha distritoBaucau.
Acusados
sira hotu nebe'e iha akuzasaun ne'e nia laran fiar katak barak
mak sei livre hela iha Republika Indonesia. Mandato atu kaer husu tiha
ona ba Tribunal Distrital Dili nebe'e sei haruka tutan ba Procuradoria
Geral Republika Indonesia nian no Organizasaun Interpol wain hira simu
ona.
Unidade
Crimes Graves hatama tiha ona akuzasaun 79 iha Painel Espesial ba
Crimes Graves nebe'e akuza ema hamutuk hotu nain 367. Husi akuzadus sira
ne'e, akuzadus nain 280 mak sei livre hela iha Republika Indonesia. To'o
oras ne'e, akuzadus nain 35 mak hetan castigo tiha ona iha julgamento
iha
Painel Espesial ba Crimes Graves iha Timor Leste
Detalhos Akuzadu nian
Akuzadus
sira tuir mai ne'e mak entre ema nain 17 nebe'e akuza iha
akuzasaun Baucau nian:
Tenente
Koronel Richard Hutadjulu
(eis Komandante TNI iha Komando TNI 1628 Baucau)
Kapitaun
Karel Polla
(eis Chefe stado no Vice Komandante TNI iha Komando TNI 1628 Baucau)
Sarjento
Irwan
(eis premeiro Sarjentu husi Seksaun Intelijensia Baucau nian iha Komando
TNI 1628 Baucau)
Sarjento
Manuel Ariate
(eis Segundo Sarjento iha Seksaun Intelijensia Baucau nian Komando TNI
1628
Baucau no Komandante Tim Saka ba sub-distrito Baucau)
Joanico
Cesario Belo
(eis premeiro Sarjentu Forsa Espesial Kopassus , eis Komandante Tim Saka,
eis Komandante ba Forsas Funu Nain Integrasaun Timor Leste milisia (PPI)
ba
Sektor
rejiaun A Timor Leste no eis Komandante Tim Saka)
Igidio
Sarmento
(eis Soldado TNI iha Komando 1628 distrito Baucau, Komandante Batalhaun
(DANYON) ba Forsas Funu nain Timor Leste nian milisia (PPI) ba Sektor
rejiaun A no Vice Komandante ba Tim Saka)