UNIDADE CRIMES GRAVES: INFORMASAUN IKUS NIAN
ACUZASAUN
FOUN 3 ACUZA VICE COMANDANTE MILISIA SAKUNAR, SOLDADOS TIMOR OAN
NAIN
3 NO MEMBROS MILISIA SAKUNAR NAIN 13 HO CRIMES IHA DISTRITO OECUSSI IHA
TINAN 1999
Interino
adjunto ba Procurador Geral ba Crimes Graves hatama ona acuzasaun
3 ba Painel Espesial ba Crimes Graves iha Tribunal Distrital Dili iha
Timor
Leste iha loron 30 Setembro 2003.
Acuzasaun
3 ne'e acuza ema hamutuk nain 17 inclui eis-vice comandante
milisia Sakunar nian -Laurentino Soares alias "Moko", soldados
Timor oan
nain 3 iha Militar Indonesia (TNI) no eis- membros milisia Sakunar ho
crimes nebe comete iha distrito Oecussi entre fulan Setembro no fulan
Outobro 1999.
Acuzasaun
Moko acuza ema nain 10 ho Crimes kontra Humanidade: oho ema, koko
atu oho ema, hahalok desumanus no persegisaun ba lori lakon ema. Ida ne'e
alega mos katak entre fulan Setembro 1999 to'o forsas INTERFET mai iha
fulan Outobro 1999 katak soldasdos TNI no milisia Sakunar iha Soares alias
"Moko" nia kontrola ba atakes nebe sistematiko ba ema sivil
iha Oecussi
estraga suco sira, obriga ema atu ba Timor Osidental no target nebe
espesificamente no oho ema apoiantes pro-independensia.
Iha acuzasaun
Moko nian, eis- vice comandante milisia Sakunar Laurentino
Soares alias "Moko" acuza ho Crimes kontra Humanidade (oho ema)
ba oho
Maria Au iha loron 22 Setembro 1999 no oho Joao Eco, Facuno Bano no Leo
Bano iha loron 27 Setembro 1999 iha sub-district Pante Macassar. Soares
alias "Moko" mos acuza ho oho ofisiais UNAMET Domingos Vaz nebe
alega
captura no hetan tiru husi milisia Sakunar iha tasi ibun Kolam iha loron
13 Outobro 1999.
Soares alias
"Moko" sei acuza tan hamutuk ho membros milisia Sakunar nain
9
ema Timor oan no ema Indonesia ba Crimes kontra Humanidade inclui oho
Oscar
da Costa durante atakes TNI-milisia iha suco Cutet iha loron 23 Setembro
1999 no oho mane nain tolu nebe milisia Sakunar sira captura iha Lifau
sub-district Pante Macassar iha loron 14 Outobro 1999.
Acuzasaun
Amoroso Bobo acuza eis- membros milisia Sakunar nain 4 ho oho ema
activista pro-independensia nian Amoroso Bobo iha suco Padiae iha loron
13
Setembro 1999. Ida ne'e alega katak Bobo to'o tiha ona iha vice comandante
milisia Sakunar Laurentino Soares alias "Moko" nia uma hodi
lori ho katana
ida no hakilar ba "Moko". Vitima duni husi uma ne'e no alega
sona to'o
mate husi membros milisia Sakunar sira.
Acuzasaun
Numbei acuza soldados TNI ema Timor ona nain 3 ho konta rua ba
Crimes kontra Humanidade ba oho ema pro-independensia chefi suco Pune
-Paulo Sequeira no apoiantes independensia Stanislau Bala iha atakes TNI-
milisia Sakunar iha uma ida iha vila Numbei iha loron 11 Setembro 1999.
Acuzasaun ne'e alega katak depois de soldado TNI Jorge Ulan tiru no baku
Sequeira katak soldado TNI Joao Gomez no membros milisia Sakunar sona
Sequira to'o mate. Ida ne'e alega katak Bala hetan sona to'o mate husi
soldado TNI Blaus Manek no mane nain rua seluk mos asalta ho serio iha
atakes ne'e. Ne'e alega liu tan katak soldados TNI no milisia Sakunar
ho
sira nia inisiativo rasik sunu uma hamutuk ho vitima nain rua mak mate
iha
laran. Mane nain rua seluk nebe hetan tiha ona baku to'o lakon conciensia
no husik hela deit to'o mate iha uma nebe ahi lakan hela.
Ema acuzados
sira ne'e hotu iha acuzasaun 3 Oecussi nian fiar katak sei
livre hela iha Republica Indonesia. Mandato atu kaer sei fo tutan ba
Procuradoria Geral Republica Indonesia nian no haruka ba Organizasaun
Interpol.
Laurentino
Soares alias "Moko" hetan tiha ona acuza husi Unidade Crimes
Graves iha loron 27 Setembro 2001 no iha loron 9 Dezembro 2002 iha relasaun
ho massacre Passabe iha fulan Setembro 1999 no oho ema iha Makelab iha
fulan Outobro 1999. Ida ne'e fiar katak Laurentino Soares oras ne'e daudaun
sei hela iha Timor Osidental, Indonesia.
Unidade
Crimes Graves oras ne'e hatama ona acuzasaun 78 iha Painel Espesial
ba Crimes Graves hodi acuza ema hamutuk nain 350. Ba acuzados sira ne;e
hotu, acuzados nain 263 mak sei hela iha Republica Indonesia. To'o oras
ne'e daudaun, acuzados nain 35 mak hetan ona kastigo iha julgamento iha
Painel Espesial ba Crimes Graves iha Timor Leste.
30 Setembro 2003