DETEINHA
SOLDADO TNI TIMOR OAN NEBE'E ACUZA BA TORTURA NO HALAKON EMA IHA
DISTRITO LIQUICA IHA ABRIL 1999
Adjunto
Interino Procurador Geral ba Crimes Graves hatama acuzasaun mesak
ida ba Painel Espesial ba Crimes Graves iha Tribunal Distrital Dili iha
Timor Leste iha loron 23 Setembro 2003. Acuzasaun ne'e acuza Rusdin Maubere
ho Crimes kontra Humanidade ba tortura no halakon ho obrigatorio apoiantes
pro-independensia nain ida iha distrito Liquica iha loron 26 Abril 1999.
Iha acuzasaun
nia laran Rusdin Maubere descreve nudar pratu Comando (Kodim)
Militar TNI ida iha distrito Liquica. Acuzasaun alegas katak grupo milisia
Besi Merah Putih (BMP) iha distrito Liquica iha comando efectivu nia okos
no controla husi administrasaun civil ho militar TNI iha distrito Liquica.
Acuzasaun
ne'e espesificamente acuza Maubere ho tortura no halakon ho
obrigatorio ba Andre de Oliviera iha suco Dato distrito Liquica. Alega
katak Oliveira halai tiha ba subar iha ailaran depois de ataces iha igreja
Liquica iha loron 6 Abril 1999 fila hikas ba suco Dato iha loron 26 Abril
1999. Kalan ne'e kedas, Oliveira alega hetan captura husi soldadu TNI
inclui Maubere no membros milisia BMP. Ida ne'e alega katak Oliveira hodi
ba besik pos milisia iha nebe'e nia hetan baku to'o dezmaia husi soldados
TNI no milisia BMP iha orden husi Maubere ho sarjentu TNI nain ida.
Iha kalan
loron 26 Abril 1999, acuzasaun ne'e mos alegas katak Oliveira nia
mate isin hakoi besik pos milisia Aipelu husi Maubere ho grupo soldados
TNI
ida ho membros milisia BMP. Sarjentu TNI ne'e involve iha captura hasoru
Oliveira nebe'e alega ba ameaca atu oho membros milisia iha pos BMP se
karik sira koalia sai katak mate isin ida hakoi hela besik pos milisia.
Depois membros milisia BMP hetan hikas fali mate isin ida nebe'e fiar
katak
Oliveira duni mak iha rate nebe'e foun ne'e. Desde tempo ne'e kedas la
hare
tan Oliviera wainhira nia hetan captura iha suco Dato no nia mate isin
la
hetan iha rate ne'e.
Maubere
hetan captura iha fulan Marsu 2003 depois nia tama hikas mai Timor
Leste husi Timor Ocidental no hetan detensaun iha Timor Leste. Hein katak
Maubere sei julga iha Painel Espesial ba Crimes Graves iha fulan sira
oin
mai.
To'o oras
ne'e daudaun , Acuzados nain 35 mak hetan tiha ona castigo husi
Juizes Painel Espesial ba Crimes Graves ba Crimes kontra Humanidade ka
crimes graves nebe'e comete iha tinan 1999 desde julgamento hahu iha fulan
Janeiro 2001 iha Timor Leste.