Boletín
de Prensa
JSMP
PAINEL ESPECIAL TIMOR LESTE FO SENTENCA CASTIGU TINAN 10 FULAN 6 BA MEMBRO
EX-MILISIA ABLAI, SAME-MANUFAHI
(KAZU SAME)
Iha loron Segunda feira dia 13 Outubru 2003, Painel Especial Krimes Graves ba caju crimes graves hasai desijaun ida nebe fo sentenca tinan 10 fulan 6 ba akujadu Domingos Mendonca membro ex-milisia Ablai housi Same-Manufahi. Desijaun ida ne'e hato'o housi Juiz Maria Natercia Gusmao (Timor Leste) nudar juiz Presidente no Sylver Ntukamazina (Burundi), no Juiz Siegfried Blunk (Germany).
ProKurador housi Serious Krimes Unit akuja Akujadu Domingos Mendonca ho akujasaun kontra humanidade oho vitima Luis Lobo Siri ho Agapito de Araujo iha loron 17 Abril 1999 ho persekusaun iha suku Orluli, sub-distrik Same, distrik Manufahi ho atakasaun nebe sistematika no halao iha fatin hotu-hotu.
Ema seluk nebe hamutuk iha acusajaun iha kaju ida ne'e nebe hamutuk ho Domingos Mendonca hetan ona sentensa husi Painel Special iha fulan Julho no Augusto iha tinan ne'e nia laran. Benjamin Samento, vice komandante milisia tim sasurut Ablai, simu kastigu ba tinan 12, Romerio Tilman, tercero komandante milisia tim sasurut Ablai, simu kastigu ba tinan 8 no Joao Sarmento, ex-milisia Ablai, hetan kastigu ba tinan 8 fulan 8 nia laran.
Juiz Maria Natercia Gusmao la concorda ho Juiz nain rua, nune'e desijauan maioria hakarak atu fo sentenca tinan 10 fulan 6 ba akujadu. Ninia opiniaun minoria hakarak fo sentenca tinan 8 ho fulan 6 ba akujadu Domingos Mendonca. Juiz Maria ho rajaun katak sentenca ida ne'e la fair. Domingos Mendonza bele halo rekurso ba Tribunal de Recurso ba atu halo revisaun baa sentensa.
JSMP halo ona observasaun casu ida ne'e no tuir bebeik julgamentu iha Painel Especial, no en geral JSMP satisfeitu ho Tribunal nia servisu iha julgamentu ida nee. " En geral, Painel Especial mos hatudu ona katak acusadau nia direitu mos iha duni garantia."
Agora acusadu hotu nebe'e akusa iha akusasaun laran sira hetan ona sentensa no casu remata ona.
ENDS/..