SCU = INVESTIGASAUN NO PRESEKUSAUN

Komandante Milisia Aitarak Indonesia Nian No Membro Milisia Aitarak Kondena Ba Krimes Kontra Humanidade Ba Oho Ema

Hosi Juizes Iha Painel Espesial Ba Krimes Graves

Iha oras tuku 10:00 dader iha loron 19 Maiu 2004, Juizes nain tolu hosi Painel ida iha Painel Espesial ba Krimes Graves kondena Beny Ludji no Jose Gusmao ba konta ida ba oho ema nudar Krimes kontra Humanidade nudar parte
ida husi atakes luan no sistematiku hasoru populasaun civil. Kondenasaun ba eis komandante kompanhia milisia Aitarak Indonesia no membro milisia Aitarak Timor Oan hosi Dili tuir sira nia admisaun ba hatan sala ba apoiantes kampanha pro-independensia Guido Alves Correia nia mate iha Dili iha loron 1 Setembru 1999. Konsidera na sira nian admisaun hatan sala ba publiku no hatudu sira nian hakribi Juizes Painel fo sentensa ba Beny Ludji to'o tinan 8 iha komarka no Jose Gusmao to'o tinan 2 no fulan 6 iha komarka ho koa ba tempo nebe nia pasa tiha ona iha detensaun nia laran. Beny Ludji
ema nasionalidade Indonesia ba dala uluk nebe hetan sentensa hosi Painel Espesial ba Krimes Graves desde julgamento hahu iha Timor Leste.

Julgamentu Beny Ludji no Jose Gusmao komesa iha Painel Espesial iha dia 12 Fevereiru 2004 hamutuk ho defendantes nain rua nebe deteina nanis ona desde sira hetan kaptura iha Timor Leste iha dia 4 Abril 2003. Beny Ludji no Jose
Gusmao akuza tiha ona hamutuk ho membro Milisia Aitarak, Jose Lopes da Cruz Mendonca (aka Jose "Fahiten") nebe akuza iha loron 2 fulan Junhu 2003 ba oho Kampanha nain CNRT independensia nian Guido Alves Correira, iha nia uma
iha Mascarinhas, Dili iha loron 1 Setembru 1999. Akuzado ba dala tolu, Jose Lopes da Cruz Mendonca, nebe sei livre hela iha Republika Indonesia.

Akuzasaun SCU nian alega katak molok konsulta popular iha loron 30 Agustu 1999 membros milisia Aitarak armado hosi kompanhia A halao patrulha armado iha Mascarinhas laran no area Caicoli Dili iha komanda no kontrolu Beny Ludji nian, Komandante Aitarak kompanhia A. durante patroli sira ne'e, Ludji halo ameasa atu oho apoiantes independensia inklui ameasa espesifiku atu oho Guido Alves Correia nebe kampanha nain CNRT independensia nian ida. Alega mos katak iha kalan loron 1 Setembru 1999, Ludji no membros milisia Aitarak iha ninia komanda ataka Guido Alves Correia nia uma nebe nia hetan ta'a to'o mate hosi membros milisia Aitarak.. Hafoin Ludji haruka membros milisia Aitarak atu lori vitima nia mate isin ba Ludji nia uma iha nebe mate isin ne'e lori ba iha Tasitolu fora de Dili hosi Ludji no membros milisia Aitarak sira seluk hodi hakoi iha rate nebe badak.

To'o oras ne'e, akuzasaun SCU nian akuza tiha ona ema hamutuk hotu akuzados nain 311 ho akuzados nain 279 nebe oras ne'e dadaun laiha juridisaun Timor Leste nian no fiar katak sei livre hela iha Republika Indonesia. Ho sentensa Beny Ludji nian, nasionalidade Indonesia nian nain 41 nebe akuza hosi SCU ba Krimes kontra Humanidade iha tinan 1999 iha Timor Leste inklui Komandantes Militar TNI Indonesia nian nain 37 no Ofisiais, Chefe Polisia nian nain 4.

Iha tinan 2000, Autoridade Nasoens Unidas iha Timor Leste (UNTAET) hari Juizes Painel Espesial iha Tribunal Distrital Dili atu rona kazus no Krimes kontra Humanidade no krimes graves hosi periodo tinan 1999. Painel Espesial ba Krimes Graves iha Timor Leste konsisti Juizes Internasional nain rua ho Juiz Timor Oan nain ida.

Desde julgamento hahu iha Painel Espesial iha tinan 2001, defendantes hamutuk hotu nain 52 mak hetan ona kastigu no defendantes nain 2 fo livre tiha ba akuzasaun hotu. To'o ohin loron, sira nebe hetan kastigu iha julgamento iha Timor Leste so inklui deit Soldados TNI Timor Oan, membros milisia Timor Oan no forsa rezistensia Falintil Timor Oan nain ida. Oras
ne'e dadaun, kazus 15 hamutuk ho defendantes nain 32 mak oras ne'e prosede ou marka orario atu komesa iha Painel Espesial ba Krimes Graves iha fulan sira oin mai.

-end-